Majlinda, Distria e Nora, kolonelet më të reja të Ushtrisë Shqiptare.
Kampionet olimpike nga Kosova janë graduar përmes një ceremonie ushtarake si sportiste kampione.
Ceremoninë zyrtare e ka shpërndarë në rrjetet sociale edhe kryeministri i Shqipërisë, Edi Rama.
Trajneri i tyre, Driton Kuka, e ka bërë një postim në rrjetet sociale, përmes të cilit i ka zbuluar kolonelet më të reja të Ushtrisë Shqiptare.
Kuka ka theksuar se ndihet krenar me xhudistet kosovare.
Në ceremoninë e posaçme të gradimit, parakaluan në tapetin e kuq edhe atletja Luiza Gega, e cila fitoi vendin e parë në kampionatin e Atletikës në Mynih të Gjermanisë më 2022 dhe Briken Calja, i cili mori vendin e parë në Kampionatin Botëror të Peshëngritjes në Uzbekistan në vitin 2021.
Përveç tyre, me gradën kolonel u nderuan edhe Erkand Qerimaj, i cili mori vendin e parë në Kampionatin Evropian të Peshëngritjes në Tiranë në vitin 2022 dhe Alban Beqiri, i cili zuri vendin e parë në Kampionatin Ballkanik të Boksit në Beograd, në nëntor të vitit 2022.