Mali i Zi sot shënon Ditën e Pavarësisë, dhe 18-vjetorin e rikthimit të pavarësisë së shtetit me referendum.
Më 21 maj të vitit 2006 në referendum Mali i Zi arriti të bëhet shtet i pavarur.
Në referendum votuan 419.240 qytetarë ose 86.5 për qind e numrit të përgjithshëm të votuesve, prej të cilëve pavarësinë e Malit të Zi e mbështetën 230.661 qytetarë ose 55.5 për qind, ndërsa për mbetjen në një union të përbashkët me Serbinë ishin 185.000 ose 44.5 për qind.
Parlamenti i Malit të Zi paraprakisht miratoi Ligjin për Referendum, i cili u pajtua me rekomandimin e Bashkimit Evropian.
Për të patur sukses referendumi, kërkohej mbështetja e 55 për qind të votuesve të dalë.
Pyetja e referendumit ishte “A dëshironi që Republika e Malit të Zi të jetë shtet i pavarur me subjektivitet të plotë juridik ndërkombëtar”.
Më 2 mars, me propozim të presidentit të Republikës, Filip Vujanoviq, Kuvendi i Malit të Zi vendosi që referendumi për statusin shtetëror-juridik të mbahet më 21 maj.