Manchester United ka pësuar një tjetër humbje befasuese në shtëpi, duke u mundur 3:0 nga Bournemouthi në ndeshjen e javës së 17-të të Premier League.
Pas fitores dramatike ndaj Manchester Cityt javën e kaluar, Unitedi u befasua të dielën nga mysafirët, të cilët dominuan lojën.
Bournemouthi shënoi një fitore të merituar me golat e Dean Huijsen (29′), Justin Kluivert (61′) dhe Antoine Semenyo (63′).
Kjo ishte ndeshja e dytë rresht që Manchester United pësoi humbje, pas eliminimit nga Tottenham në EFL Cup të enjten.
Pas 17 ndeshjeve, Unitedi ka regjistruar vetëm 6 fitore, 4 barazime dhe 7 humbje, duke u renditur në vendin e 13-të me 22 pikë.
Nga ana tjetër, Bournemouthi vazhdon një formë të shkëlqyer, duke mbajtur vendin e 5-të me 28 pikë, pas 8 fitoreve, 4 barazimeve dhe 5 humbjeve.