Ministri i Mbrojtjes, Ejup Maqedonci, është takuar me ambasadorin e Bullgarisë, Hristo Gudjev.
Në këtë takim është diskutuar për situatën e sigurisë në vend dhe thellimin e bashkëpunimit në fushën e mbrojtjes.
“Theksova se jemi të vendosur në rrugëtimin tonë drejt anëtarësimit në NATO dhe BE, për t’i kontribuuar stabilitetit dhe paqes përkrah partnerëve tanë strategjikë, e në mesin e shteteve aleate, sigurisht shohim dhe Bullgarinë”, ka thënë Maqedonci.
Ambasadori Gudjev ka shprehur gatishmërinë për bashkëpunim, duke theksuar se Kosova ka pasur gjithmonë përkrahjen e Bullgarisë, duke shërbyer si pjesë e misionit të KFOR-it dhe EULEX-it, por që dhe si misione diplomatike përkrahin integrimin e Kosovës në organizatat euroatlantike.