Maqedoni e Veriut: 826€ shpenzimet minimale për një familje në muajin shkurt

Në Republikën e Maqedonisë së Veriut për një familje katër anëtarëshe shpenzimet minimale në muajin shkurt ishin 50.909 denarë ose 826 euro, tregojnë analizat që të martën e shtatë marsit i publikoi Lidhja e Sindikatave të Maqedonisë së Veriut

Konsumator, fotoilustrim

Sipas të dhënave të shportës konsumatore sindikaliste që e përpunon Lidhja e Sindikatave të Maqedonisë së Veriut(LSM), pjesa më e madhe ose 19.379 denarë (314 euro) thuhet se shpenzohen për ushqim dhe pije, ndërsa 13.306 denarë (216 euro) për shpenzime komunale.

Ndërsa, për transport sipas LSM-së, minimum nevojiten 3.679 (59 euro), kurse për produkte higjienike 3.154 denarë (51 euro).

Në krahasim me janarin e këtij viti, shporta konsumatore sindikaliste është shtrenjtuar për 110 denarë.

“Indeksi i shpenzimeve të produkteve ushqimore për muajin shkurt të 2023, krahasuar me muajin e njëjtë të vitit të kaluar, ka shënuar rritje për bukën dhe drithërat me 39.8%, qumështin, djathin, vezët me 36.7%, për mishin dhe prodhimet e përpunuara të mishrave 29.5%.”, thonë nga Enti Shtetëror i Statistikave.

Ndërsa, Ministria e Ekonomisë thotë se ky dikaster qeveritar ”deri në fund të javës do të del me rezultatet e analizave për ngrirjen e çmimeve të pastave dhe të disa produkteve të qumështit. Aktualisht, të njëjtat edhe mbulohen nga vendimi për marzhë të kufizuar të TVSH-së, e që bëjnë pjesë në produktet bazë të shportës së konsumatorit”, përcjell AlsatM.

Shija e redaktorit

Nora Gjakova fiton medaljen e bronztë në Paris

Nora Gjakova e ka fituar medaljen e argjendtë në Grand Slamin e Parisit, që është e treta nga Franca për Kosovën. Gjakova e fitoi duelin...

Distria e fiton medaljen e bronzt në Grand Slamin e...

Distria Krasniqi ka fituar medaljen e bronztë në Grand Slamin e xhudos që po mbahet në Paris. Xhudistja kosovare fitoi me waz-ari ndaj xhudistet nga...

Shkruan Romeo Çollaku, përkthyesi i romanit “Lugina e lumit Issa”...

Përkthyesi i librit, Romeo Çollaku, ndan me lexuesit historinë e “Lugina e lumit Issa” shkruar nga autori polak Czesław Miłosz. Nga ROMEO ÇOLLAKU Romani Lugina e lumit...

Të fundit nga rubrika