Në 24 orët e fundit, sipas njoftimit të Ministrisë së Shëndetësisë së Maqedonisë së Veriut, janë kryer 684 testime.
Në betejën me Covid-19 është paraqitur një i vdekur, ndërkaq janë regjistruar 18 raste të reja.
Nga 18 raste të infektimit, një është riinfektim. Ndërsa, të rikuperuar janë regjistruar, gjithsej, 231 pacientë brenda 24 orëve të fundit.
Raste aktive me COVID-19, sipas MSH-së, raportohet të jetë 1 mijë e 38.
Deri më tani janë bërë, gjithsej, 1 milion e 997 mijë e 169 testime të COVID-19 në vend.
Numri i përgjithshëm i personave të diagnostikuar me Covid-19 në Maqedoninë e Veriut, që nga fillimi i pandemisë, ka shkuar në 308 mijë e 620 pacientë, ndërsa i të shëruarve 298 mijë e 532, i vdekjeve 9 mijë e 262.
