Maqedonia e Veriut shpall persona non grata tre diplomatë rusë

Tre diplomatë rusë janë shpallur persona non grata në Maqedoninë e Veriut. Këtë e bëri të ditur Ministria maqedonase e Punëve të Jashtme

Ndërtesa e Ambasadës ruse në Shkup. Fotografi nga arkivi. Foto: AFP

Ministria maqedonase e Punëve të Jashtme konfirmoi të shtunën se tre diplomatë rusë janë shpallur non grata. Ministria bëri të ditur se më 12 shtator kishte thirrur ambasadorin e Federatës Ruse në Shkup për t’ia dorëzuar notën diplomatike.

Vendimi, sipas MPJ-së, është marrë pas njoftimeve nga autoritetet kompetente për aktivitete të diplomatëve, që bien ndesh me Konventën e Vjenës për Marrëdhëniet Diplomatike.

Njoftimi për vendimin u bë i ditur në platformën X, i njohur më parë si “Twitter”, të premten pasdite nga ambasada ruse. Ndërkohë, zëdhënësja e Ministrisë së Jashtme të Rusisë, Marija Zaharova, shkruante në rrjetet sociale se shpallja si “persona non grata” e diplomatëve rusë nga autoritetet në Shkup ishte bërë pa sqaruar arsyen e këtij vendimi. Ajo e cilësoi këtë si një akt armiqësor dhe të papërgjegjshëm, ndërsa thekson se “kjo nuk do të mbetet pa përgjigje”.

Maqedonia e Veriut edhe në të kaluarën ka dëbuar diplomatë rusë, qoftë duke u solidarizuar me vendimet e Bashkimit Evropian apo në bazë të njoftimeve për veprimtarinë e tyre të palejueshme në vend. /VoA

Shija e redaktorit

Costa mbërrin në Presidencë – nis takimin me Osmanin

Presidenti i Këshillit Evropian, Antonio Costa, ka mbërritur këtë pasdite në Presidencën e Kosovës, ku është pritur nga presidentja Vjosa Osmani. Takimi ndërmjet dy liderëve...

Vendoset gurëthemeli i Dukagjini Resort – Perla e Shqipërisë së...

Zyrtarisht sot, më 14 maj 2025, është vendosur gurëthemeli për Dukagjini Resort - destinacioni i ardhshëm luksoz që po ngrihet në zemër të bregdetit...

“Dukagjini” sjell ekspertë botërorë nga “Pearson”-i për trajnimet me mësimdhënësit...

Shtëpia botuese “Dukagjini”, në bashkëpunim me shtëpinë botuese “Pearson ELT”, organizon trajnim njëditor për mësimdhënësit e gjuhës angleze mbi temën “The Teacher’s Chapter -...

Të fundit nga rubrika