Maqedonia mbështet Kosovën për anëtarësim në Këshillin e Evropës

Presidentja e Kosovës, Vjosa Osmani, dhe kryeministri i Maqedonisë së Veriut, Talat Xhaferi, zhvilluan një takim në kuadër të Forumit për Gratë, Paqen dhe Sigurinë. Kryeministri Xhaferi gjatë diskutimit ka siguruar Osmanin se Kosova e ka mbështetjen e plotë të Maqedonisë së Veriut për anëtarësim në KiE

Presidentja e Kosovës, Vjosa Osmani dhe kryeministri i Maqedonisë së Veriut, Talat Xhaferi, 15 prill 2024.

Presidentja e Kosovës, Vjosa Osmani, në kuadër të edicionit të dytë të Forumit për Gratë, Paqen dhe Sigurinë, të hënën ka pritur në takim kryeministrin e Maqedonisë së Veriut, Talat Xhaferi.

Siç ka njoftuar Zyra e Presidencës, Osmani ka theksuar se Maqedonia e Veriut është shtet fqinj dhe njëkohësisht mbështetëse e Kosovës.

Ajo ka thënë se Kosova dhe Maqedonia e Veriut mund t’i shkëmbejnë përvojat në procesin e integrimit evropian dhe në të njëjtën kohë ka shprehur bindjen se ky shtet do të vazhdojë ta mbështesë Kosovën në rrugën evropiane.

Gjithashtu, Osmani ka thënë se Kosova llogarit në përkrahjen e mëtejme të Maqedonisë së Veriut në procesin e anëtarësimit në Këshillin e Evropës, sikurse edhe në NATO, BE dhe organizata ndërkombëtare.

Në prag të votimit në Asamblenë e Përgjithshme të Këshillit të Evropës, kryeministri Xhaferi e ka njoftuar presidenten Osmani se mbështetja e Maqedonisë së Veriut është e plotë.

Në këtë takim, ndër të tjera është diskutuar edhe për finalizimin e pikave të përbashkëta kufitare përpara fillimit të sezonës verore, sikurse edhe lehtësimin e të bërit biznes.

Shija e redaktorit

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Rutte: NATO po ndjek zgjedhjet në Kosovë, duket se do...

Sekretari i Përgjithshëm i NATO-s, Mark Rutte, ka komentuar zhvillimet politike në vend gjatë një konference për media, duke vënë në pah se aleanca...

Të fundit nga rubrika