Mark Zuckerberg u kërkon falje prindërve, fëmijët e të cilëve u abuzuan në rrjete sociale

Mark Zuckerberg, shefi i Metës “është shtyrë” t'u kërkonte falje publike familjeve të njerëzve që thanë se ishin dëmtuar nga platforma e tij e mediave sociale, një moment dramatik në një seancë në Senatin amerikan mbi sigurinë e fëmijëve në internet

Mark Zuckerberg teksa iu drejtua audiencës në seancën dëgjimore të komisionit gjyqësor të Senatit amerikan, foto Reuters.

Drejtori ekzekutiv i Meta-s, Mark Zuckerberg, u ka kërkuar falje publikisht familjeve të preokupuara për ndikimin negativ të rrjeteve sociale mbi fëmijët.

“Më vjen keq për gjithçka që keni kaluar, është e tmerrshme. Askush nuk duhet të kalojë nëpër gjërat që kanë vuajtur familjet tuaja”, ka deklaruar ai.

Në një seancë në Senatin amerikan, Zuckerberg dhe drejtues të kompanive të tjera si TikTok, Snap, X dhe Discord u pyetën nga senatorët për masat e ndërmarra për mbrojtjen e fëmijëve në internet.

Pas pyetjeve të ashpëra, disa drejtues refuzuan fillimisht të dëshmonin, por u mblodhën pasi familjet treguan për përvojat traumatike të fëmijëve të tyre në lidhje me median sociale.

Diskutimet u përqendruan në shfrytëzimin seksual të fëmijëve në internet, dhe Zuckerberg u vu nën vëzhgim të veçantë për rolin e Facebook-ut dhe të Instagram-it në këtë kontekst.

Në një moment të ngushtë, Zuckerberg u pyet se çfarë mendonte në lidhje me një mesazh në Instagram, që paralajmëronte për materiale abuzimi seksual, dhe ai premtoi një vëzhgim personal, raporton BBC.

Në fund të seancës, ai u ngrit dhe kërkoi falje publikisht për vuajtjet e familjeve, duke theksuar se askush nuk duhet të përjetojë gjërat e tmerrshme që kanë pësuar.

Seanca dëgjimore paraqiti gjithashtu dëshmi nga Linda Yaccarino e X, Shou Zi Chew e TikTok, Evan Spiegel e Snap dhe Jason Citron e Discord. Të gjithë u vunë nën pyetje të ashpra nga të dyja anët e spektrit politik.

Senatorët treguan një numër historish personale nga familjet, të dashurit e të cilëve kishin vdekur pas përdorimit të mediave sociale – për shembull pas ngacmimit në internet, zhvatjes ose blerjes së drogës përmes mediave sociale.

Shija e redaktorit

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Osmani: Momenti i njohjes së Kosovës do të vijë bashkë...

Në Tiranë ka nisur mbërritja e liderëve nga Evropa juglindore në samitin për Ukrainën, që po organizohet me ftesë të kryeministrit të Shqipërisë, Edi...

Cristiano Cardoso, braziliani i Drenicës

Po stërvit shumë larg nga shtëpia, por në Skenderaj ndihet sikur në shtëpi. Cristiano Cardozo është portieri brazilian i Drenica Futsal, të cilin krahas punës...

Të fundit nga rubrika