Gazeta Nacionale ka mësuar nga burimet e saj se Martin Berishaj, ambasadori i Kosovës në Kroaci, është duke u intervistuar nga Prokuroria e Speciale në Prishtinë. Ky intervistim vjen pas dyshimeve për një aferë financiare të Berishajt në Slloveni, për të cilën është raportuar gjerësisht në medie.
Në mediumet sllovene, në prill të vitit të kaluar, ishte raportuar se politikani slloven Robert Golob ka bërë transaksione nga dega serbe e furnizuesit energjetik slloven GEN-i, për te kompania e Berishajt, MB Consulting. E nga kompania e Berishajt janë nxjerrë më pas gradualisht 600 mijë euro para të gatshme që dyshohet se i janë kthyer Golobit.
Berishaj ka insistuar se është i pafajshëm, derisa ndaj tij nuk morën masa as ministrja e Jashtme, Donika Gërvalla e as presidentja Vjosa Osmani.
Ndërkaq, Opozita vazhdimisht ka insistuar që ambasadori Berishaj duhet të shkarkohet.