MAShTI i reagon SBAShK-ut: Të shtunën e 15 tetorit do të jetë ditë pune

Ministria e Arsimit ka reaguar ndaj deklaratave të SBAShK-ut, të cilët kanë deklaruar se nuk do të ketë kompensim të orëve mësimore të shtunave duke iu kundërpërgjigjur se "dita e shtunë, datë 15 tetor, do të jetë ditë pune për nxënësit e klasave 1-8, sipas orarit të përcaktuar nga shkollat"

Ministria e Arsimit





Të enjten e 13 tetorit, Ministria e Arsimit ka njoftuar se dita e shtunë, datë 15 tetor, do të jetë ditë pune për nxënësit e klasave 1-8, sipas orarit të përcaktuar nga shkollat.

Sipas ministrisë, gjatë një muaji të grevës janë humbur gjithsej 22 ditë mësimi apo rreth 12 për qind e ditëve të vitit shkollor të cilat duhet të zëvendësohen.

Po ashtu, është bërë e ditur se Inspektorati i Arsimit do të jetë në terren dhe do ta mbikëqyrë zbatimin e kalendarit të vitit shkollor.

“MAShTI në bazë të kompetencave dhe përgjegjësive e ka rishikuar kalendarin e vitit shkollor 2022-2023 dhe i ka njoftuar me kohë të gjitha Drejtoritë Komunale të Arsimit në lidhje me këto ndryshime”, thuhet në njoftim.

Tutje, thuhet se për shkak të çrregullimeve në pandemi, humbjet në arsim në Kosovë janë shumë të mëdha, derisa këto humbje janë shtuar edhe më shumë për shkak të grevave.

“MAShTI kërkon që të gjitha shkollat të organizohen sa më mirë për mbajtjen e orëve të humbura për shkak të grevës, ashtu siç e parasheh kalendari i rishikuar”.

Ministria ka kërkuar nga komunat të sigurohen për realizimin e kalendarit shkollor duke filluar nga kjo e shtunë.

Ndërkaq, në një konferencë për media të enjten, SBAShK-u ka kundërshtuar vendimin e ministres së Arsimit, Arbërie Nagavci, për kompensimin e orëve të humbura gjatë grevës të shtunave, duke thënë se kjo bie ndesh me kontratën kolektive dhe do të shkaktojë ngarkesë te nxënësit, sepse në fundjavë kanë angazhime të tjera.

 

SBAShK: Nuk pranojmë kompensim të orëve të shtunave

 





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika