Gjatë të shtunës së 29 tetorit, drejtorët e policive të 26 kryeqyteteve evropiane kanë marrë pjesë në konferencën e 42-të, e cila është mbajtur në Prishtinë.
“Përfundoi dje konferenca e 42-të, e drejtorëve të policive të 26 kryeqyteteve evropiane, të cilat u pritën nga Drejtoria Rajonale e Prishtinës”, njofton Policia e Kosovës.
Policia njofton se konferenca disa ditore ka rezultuar mjaft e suksesëshme, me nënshkrimin edhe të deklaratës së përbashkët nga shtetet pjesëmarrëse, prej dhjetë pikash të nxjerra nga temat e trajtuara dhe diskutimet e zhvilluara përgjatë gjithë konferencës.
Mes tjerash, Policia e Kosovës theksoi se në këtë rast Drejtoria rajonale e policisë së Prishtinës, ka falënderuar të gjitha vendet pjesëmarrëse për pjesëmarrjen dhe kontributin e tyre në konferencë.