Lum Bordoniqi, një djalë i vetëm 16-vjeçar nga Kosova, po përballet me një sfidë të rëndë – diagnozën e “Ewing Sarcoma”, njohur si kanceri i eshtrave. Që të mund të shërohet, ai ka nevojë për një transplant të palcës, por familja e tij nuk ka mjetet financiare për të përballuar këtë shpenzim të madh.
Trajtimi dhe kujdesi i nevojshëm për Lumin janë në dispozicion në Spitalin Turk Medical Park, por familja e tij nuk ka mundësi financiare për të mbuluar shpenzimet e trajtimit.
Duke u përballur me një situatë kaq të vështirë, ata kanë nisur një thirrje për ndihmë publike për të siguruar fondet e nevojshme.
Deri më tani, iniciativa e emisionit “Radar” të Radio Dukagjinit ka mbledhur një shumë prej 113,700 mijë eurosh në ndihmë për Lum Bordoniqin.
Megjithatë, për të siguruar trajtimin e plotë, familja ka nevojë për një shumë prej 130,000 eurosh.
Andaj “Radar” vazhdon iniciativën edhe sot për thirrjen për ndihmë për Lum Bordoniqin.
Po ashtu, edhe familja Bordoniqi bën thirrje për ndihmën tuaj dhe ju lutet të përfshiheni në këtë përpjekje humane.
Të gjithë ata që dëshirojnë të japin kontributin e tyre mund ta bëjnë duke transferuar fonde në llogarinë bankare të prindit të Lumit, Përparim Bordoniqi, në NLB BANK.
Numri i llogarisë është 1704010110002089, IBAN: XK051704010110002089 dhe kodi SWIFT është NLPRXKPR.