Numri i të vdekurve nga tërmeti në Turqi dhe Siri ka arritur në 41 mijë e 132 persona.

Kështu kanë njoftuar të mërkurën mediat ndërkombëtare në përditësimin e tyre të fundit.

Viktimat në Siri kanë arritur në 5714 persona, ndërsa më i lartë është në Turqi.

Ekipet e kërkim-shpëtimit po punojnë brenda vendit për të gjetur të mbijetuarit nën rrënoja.

Edhe ekipet shqiptare po punojnë në Turqi, madje gjatë ditës së djeshme kanë publikuar videot e shpëtimit të dy personave të cilët qëndruan më shumë se një javë nën rrënoja.

Tërmeti ka goditur të hënën e 6 shkurtit Turqinë dhe një pjesë të Sirisë, si pasojë janë rrënuar shumë ndërtesa.