Mbi 50 viktima nga vapa ekstreme në Indi

Më shumë se 50 njerëz kanë vdekur në Indi gjatë tri ditëve të fundit për shkak të nxehtit, me temperaturat që arritën deri në 50 gradë Celsius, duke prekur rëndë shtetet Utar Pradesh dhe Odisha, ndërsa disa nga viktimat ishin të angazhuara në zgjedhjet e përgjithshme të vendit

Foto ilustruese

Më shumë se 50 njerëz vdiqën në Indi gjatë tri ditëve të fundit, si pasojë e një vale të të nxehtit që përfshiu disa rajone të këtij vendi.

Së paku 33 veta vdiqën në shtetin verior, Utar Pradesh, thanë autoritetet atje.

Në mesin e viktimave, sipas tyre, ka edhe njerëz që ishin të angazhuar në zgjedhjet e përgjithshme, përfshirë zyrtarë dhe roje të sigurisë.

Në shtetin Odisha, ndërkaq, humbën jetën së paku 20 njerëz.

Ministria federale e Shëndetësisë ka thënë se ka evidentuar së paku 56 vdekje si pasojë e të nxhetit nga 1 marsi deri më 30 maj.

India, çdo pesë vjet, i mban zgjedhjet e saj të përgjithshme në prill dhe maj.

Por, këtë vit, temperaturat ishin rekorde – mbi 45 gradë Celsius e në disa zona edhe 50 gradë, raporton Radio Evropa e Lirë.

Departamenti i Motit i Indisë ka thënë se temperaturat ka gjasa të bien në ditët në vijim, për shkak të fillimit të shirave monsun.

Disa rajone janë duke përjetuar, po ashtu, mungesa të mëdha të ujit dhe energjisë elektrike, për shkak të rritjes së konsumit gjatë vapës.

Shija e redaktorit

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Të fundit nga rubrika