Mbi 90% e të mbjellave dëmtohen nga breshri në Istog, Ministria premton ndihmë
Puna që bëri për 181 ditë iu shkatërrua për më pak se 30 minuta. Krejt kulturat bujqësore që mbolli, bostan, speca, misër e kumbulla u dëmtuan nga reshjet e shiut me breshër pasditen e së hënës. Arton Gjocaj, nga Kovraga e Istogut tregon për krejt dëmin që iu shkaktua. Ai pret edhe mbështetje këtë herë […]
Puna që bëri për 181 ditë iu shkatërrua për më pak se 30 minuta.
Krejt kulturat bujqësore që mbolli, bostan, speca, misër e kumbulla u dëmtuan nga reshjet e shiut me breshër pasditen e së hënës.
Arton Gjocaj, nga Kovraga e Istogut tregon për krejt dëmin që iu shkaktua.
Ai pret edhe mbështetje këtë herë nga qeveria meqë kur u dëmtua herën e kaluar nuk u kompensua.
20 mijë euro investim iu shkatërruan edhe bashkëfshatarit të tij Xhevdet Gjocaj.
Ai thotë që i kërkoi ministrit që t’i mbështesin.
Për këtë në Istog bashkë me kryetarin e komunës Ilir Ferati, bujqit i vizitoi ministri në detyrë i Bujqësisë, Armend Muja.
Fillimisht Ferati tha se kanë formuar komisionin për vlerësimin e dëmeve.
Premtim për ndihmë iu dha edhe ministri në detyrë i Bujqësisë.
Brenda tetë ditësh pritet që të bëhen publike raportet të cilat do të vërtetojnë vlerën e dëmit, ndërkohë ministri i bujqësisë nuk bëri të ditur nëse bujqit do të kenë mbështetje të menjëhershme.















