Ministri i Financave, Hekuran Murati, ka njoftuar se në tremujorin e parë të vitit 2023, janë regjistruar tre mijë e 86 biznese të reja.
“Ekonomia e vendit po vazhdon zgjerimin përkundër krizave globale. Në tremujorin e parë të vitit 2023 janë regjistruar gjithsej 3,086 biznese të reja, që paraqet shifrën më të lartë të regjistruar ndonjëherë”, ka shkruar Murati.
Murati ka thënë tutje se në sektorin e prodhimit janë hapur 353 biznese të reja, që e vendos si sektorin e dytë, menjëherë pas tregtisë.
“Sipas komunave, prin Prishtina me 862 biznese të hapura, që len pas Ferizajn me 267 biznese të hapura, kurse në vendin e tretë është Prizreni me 261 biznese të hapura”, njofton tutje ministri i Financave, Hekuran Murati.