Policia e Kosovës do të bëjë ndërprerje të përkohshme të disa segmenteve të trafikut të hënën e 20 qershorit, me rastin e takimit të tetë mes Qeverisë së Republikës së Kosovës dhe asaj të Shqipërisë.
Përmes një njoftimi, Policia e Kosovës ka thënë se në mundësim të qarkullimit dhe riorientimin e trafikut në rrugë alternative në lokacionet ku pritet të kalojë eskorta do të angazhohen zyrtarë policorë të njësiteve relevante.
“Në kohën e ardhjes së përfaqësuesve shtetërorë nga Shqipëria, për të mundësuar
qarkullim të lirë të eskortës zyrtare nën përcjellje dhe sigurim, Policia e Kosovës, sot në
orët e pasdites (19.06.2022) dhe nesër (20.06.2022) sipas itinerarit të lëvizjes së personaliteteve/delegacioneve do të bëjë ndërprerje të përkohshme në intervale të shkurta kohore të qarkullimit të trafikut në disa segmente rrugore ku pritet të kalojnë delegacionet”, shkruhet në njoftim.
Ndër të tjera, zyrtarët policorë kanë kërkuar mirëkuptim të plotë nga ana e qytetarëve dhe pjesëmarrësve në trafik.
Qeveria e Kosovës dhe Shqipërisë takohen të hënën, policia e Kosovës në gatishmëri