Komisioni Hetimor Parlamentar për procesin e subvencionimit të blerjes së teksteve shkollore dhe mjeteve mësimore për nxënësit e nivelit të Arsimit fillor dhe Arsimit të Mesëm të Ulët për vitin shkollor 2023/2024 këtë të martë do të mbajë mbledhje.
Në këtë mbledhje, e cila pritet të fillojë në orën 13:00, do të diskutohet edhe për dinamikën kohore të intervistimit të dëshmitarëve.
Në këtë komision, mbledhjen e kaluar, më 9 korrik, janë votuar vetëm kriteret e dinamikës së punës.
Gjithashtu, është diskutuar lidhur me dinamikën kohore të intervistimit të dëshmitarëve, por deputetët e këtij komisioni nuk u pajtuan.
Në këtë mbledhje u kërkua që të intervistohet edhe ministrja e Arsimit, Arbërie Nagavci.
Deputeti i Partisë Demokratike të Kosovës, Bekim Haxhiu, kërkoi që në listë të përfshihen anëtarë të MAShTI-t, të bibliotekave e pastaj edhe ministrat.
Komisioni Hetimor Parlamentar për procesin e subvencionimit të blerjes së teksteve shkollore u themelua disa muaj më parë.
Ky komision ka për qëllim të evidentojë se a ka pasur lëshime në subvencionimin e teksteve shkollore apo jo, gjatë viti shkollor 23/24.
Komisioni hetimor për tekstet shkollore, opozita kërkon të intervistohet edhe Nagavci