Familja mbretërore është mbledhur në ballkonin e pallatit mbretëror Buckingham për të parë fluturimin e 70 avionëve që fluturuan mbi Londrën qendrore.
Turmat e vëzhguesve mbretërorë që valëvitnin flamurin u mblodhën poshtë, ndërsa Mbretëresha shikonte e rrethuar nga familja e saj. Në të djathtë të saj qëndronte djali i saj i madh Princi Charles, së bashku me gruan e tij, Dukeshën e Cornwall-it. Ndërkohë, në të majtë të saj ishin Duka dhe Dukesha e Kembrixhit me tre fëmijët e tyre, princat George dhe Louis dhe Princesha Charlotte.
Të pranishëm ishin edhe fëmijët e mbretëreshës Eduard dhe Anne, si dhe një sërë të afërmish të tjerë. Sussex-ët, të cilët ishin në ceremoninë në Paradën e Rojeve të Kuajve më herët, nuk u panë, nuk iu bashkuan familjes mbretërore në ballkon pasi Mbretëresha vendosi muajin e kaluar që do të përfshihen vetëm anëtarët mbretërorë që kryejnë detyra zyrtare.
Shtatëdhjetë avionë, duke përfshirë ikonën “Red Arrows” dhe fluturimin historik të “Battle of Britain Memorial”, organizuan shfaqjen spektakolare ajrore mbi Londër për të shënuar këtë rast.
Midis avionëve që u ngritën në qiell ishin “Spitfires”, “Chinooks”, “Pumas” dhe “Apaches”, disa prej të cilëve fluturuan në formacion duke shënuar numrin 70.
