Mbrojtja e Thaçit akuzon prokurorinë për manipulim me prova

Mbrojtësi i ish-kreut të UÇK-së Hashim Thaçi, avokati Gregory Kehoe, ka akuzuar Zyrën e Prokurorit të Specializuar (ZPS), për manipulim me prova

Ish udhëheqësi politik i UÇK-së, Hashim Thaçi

Mbrojtësi i ish-kreut të UÇK-së Hashim Thaçi, avokati Gregory Kehoe, ka akuzuar Zyrën e Prokurorit të Specializuar (ZPS), për manipulim me prova. Po ashtu, aty theksohet se komentet publike të Pallaskës për gjyqin ndaj UÇK-së, Raportin e Marty-t janë në linjë me ato të Mbrojtjes së Thaçit.

Kjo është bërë e ditur nga një kërkesë e avokatit Kehoe e publikuar nga Dhomat e Specializuara të Kosovës (DhSK), në Hagë.

Sipas kësaj kërkesë, themeli qëndron në keqinterpretimet e ZPS-së për komentet e z. Dastid Pallaska.

Tutje, aty thuhet se ZPS-ja ka manipuluar vërejtjet e Pallaskës për të prodhuar një pretendim se ky i fundit, sipas ZPS-së, “Akuzon publikisht Prokurorinë për propagandim të ‘të pavërtetave’, për ta etiketuar Kosovën si shtet kriminal”.

Tutje, mbrojtja ka theksuar se transkripti i deklaratave televizive të z. Pallaska, të cilat ZPS-ja i ka paraqitur në mënyrë të pashpjegueshme dhe në mënyrë konfidenciale për të mos lejuar që publiku t’i shohë ato, e bën të qartë se z. Pallaska po i referohej qëllimit të Serbisë për ta kriminalizuar Kosovën si shtet.

“Ky manipulim i provave nga ZPS-ja me qëllim të prodhimit publik, akuzat për keqbërje kundër avokatit duhet të adresohen në mënyrë të përshtatshme nga ana e avokatit”, thuhet në kërkesë.

Po ashtu, sipas mbrojtjes, komentet e z. Pallaska thjesht përsërisnin mbrojtjen e konsoliduar mirë dhe qëndrimet për çështjet që janë pjesë e mbrojtjes së z. Thaçi.

“Prandaj, mbrojtja mohon që vërejtjet e z. Pallaska të ishin të rreme ose mashtruese. Për më tepër, standardi të cilën kërkesa e ZPS-së duhet të plotësojë është e përcaktuar në Urdhrin e Trupit Gjykues për Zhvillimi i procedurës, çka e bën të qartë se ZSP-ja duhet ta provojë atë avokat bëri vërejtje të cilat ishin ‘mashtruese me qëllim ose me vetëdije’”, thuhet tutje në kërkesë.

Sipas mbrojtjes, pretendimi i ZPS-së është i bazuar në dy fragmentet e shkurtuara dhe të shkëputura të intervistës së z. Pallaska me “RTK Prime”.

Mbrojtja ka sqaruar se Pallaska ka deklaruar se Serbia e ka për qëllim kriminalizimin e shtetit të Kosovës, e jo ZPS, por kjo sipas tyre është hequr nga konteksti.

“Z.Pallaska qartësisht ka argumentuar se qëllimi i Serbisë ka qenë që Kosova të shpallet shtet kriminal. Z.Pallaska ka theksuar, se derisa ky mund të mos jetë qëllimi i Zyrës së Prokurorit të Specializuar, kjo e fundit duhet të jetë e vëmendshme për objektivin e Serbisë për të minuar shtetësinë e Kosovës. Përsëri, Zyra e Prokurorit të Specializuar e ka hequr krejt këtë kontekst nëpërmjet elipsave për të bërë fabrikimin se Z.Pallaska e ka akuzuar Zyrën e Prokurorit të Specializuar dhe jo Serbinë, për shpalljen e Kosovës shtet kriminal”.

Aty edhe është cekur një pjesë e intervistës si më poshtë.

“Tani, në këtë rast, kjo është shumë e rëndësishme për t’u shpjeguar, sepse prokuroria përsëri për herën e njëqindtë, në kundërshtim me përmbajtjen e aktakuzës, një dokument që ata e kanë hartuar vetë, thotë se ky nuk është gjykim i UÇK-së, se e gjithë UÇK-ja nuk është një anëtar i Ndërmarrjes së Përbashkët Penale. Me gjithë respektin e duhur, nuk dua të debatoj në një studio televizive, por kjo është një e pavërtetë e madhe. Sepse ai prokurori z.Whiting tha se, “pretendojnë se ky është një gjykim i UÇK-së është i rremë, i pasaktë, jo i vërtetë.” Nëse nuk është e vërtetë, atëherë ose kjo ose ajo deklaratë qëndron – të dyja nuk mund të qëndrojnë. Dhe këtë, askush nuk mund të na ofendojë inteligjencës dhe na thuaj se kjo nuk thotë çfarë po thotë dhe çfarë lexoj..”, thuhet aty.

Tutje, në lidhje me këtë thuhet se nëse e gjithë UÇK-ja shpallet si një grup kriminal i përbashkët, sipas paragrafit 35, atëherë çfarë do të thotë liria e Kosovës? Duke shtuar që ky është pikërisht qëllimi, të shpallet Kosova si një shtet kriminal që nuk mund të mbijetojë vetëm.

Po ashtu, në njërën ndër pikat e kësaj kërkese thuhet se mbrojtja ka shprehur në mënyrë të vazhdueshme shqetësimin e saj në lidhje me përpjekjet e Serbisë për të kriminalizuar Kosovën, më së fundi, kur mbrojtja paraqiti për në vëmendjen e Gjykatës akuzat e Zvicrës se Serbia kishte organizuar një komplot për vrasjen e Dick Marty-t për të fajësuar zotin Thaçi.

“Përvojat e Serbisë në këtë drejtim janë pikërisht bazat në të cilat Mbrojtja ka kërkuar shpërndarjen e çdo dëshmie që vjen nga aparati i sigurisë i Serbisë”, thuhet tutje në këtë kërkesë.

Më tej, mbrojtja thekson se Zyra e Prokurorit të Specializuar është duke bërë përpjekje për të shuar kritikat legjitime dhe për të shtypur shprehjen e lirë, që çon në shkeljen e së drejtës së Hashim Thaçit për të pasur proces të drejtë dhe të hapur.

Po ashtu, theksohet se kjo është shkelje edhe e të drejtave të avokatëve të Thaçit për shprehje të lirë, e Kushtetutës së Kosovës, e Konventës Evropiane për të Drejtat e Njeriut dhe e Ligjit për Dhomat e Specializuara.

“Në një proces gjyqësor që deri më tani është mbajtur në fshehtësi, përpjekja e Zyrës së Prokurorit të Specializuar për të imponuar edhe më shumë fshehtësi duke penguar z. Thaçi dhe avokatët e tij të artikulojnë publikisht argumentet e z. Thaçi, e bën kërkesën edhe më të dëmshme për perceptimin publik të përkushtimit të Dhomave të Specializuara për mbrojtjen. të drejtave themelore për një proces të drejtë dhe publik dhe për lirinë e shprehjes”, thuhet në kërkesën mbrojtjes.

“Si përmbledhje, Kërkesa e Zyrës së Specializuar nuk është gjë tjetër veçse një përpjekje për të kufizuar të drejtat themelore për shprehje të lirë. Mbrojtja parashtron se, në përputhje me nenin 40 të Kushtetutës së Kosovës dhe neni 10 i Konventës Evropiane për të Drejtat e Njeriut  (të aplikueshme në këtë rast përmes nenit 53 të Kushtetutës së Kosovës), Dhomat e Specializuara nuk mund të kufizojnë të drejtat e të akuzuarit dhe avokatit mbrojtës për t’u shprehur publikisht përveç se kur është rreptësisht e nevojshme dhe proporcionale për të mbrojtur një interes publik tjetër të rëndësishëm”, thuhet më tej.

Kurse, krejt në fund thuhet se kërkesa e ZPS-së nuk arrin të vërtetojë asnjë paraqitje të gabuar nga Dastid Pallaska, ose se deklaratat e Pallaskës ishin qëllimisht ose me dije mashtruese.

Gjithashtu, thuhet se përveç kësaj, ajo kërkesë nuk identifikon asnjë interes publik të rëndësishëm, që do të justifikonte kufizimin e të drejtave kushtetuese të z. Thaçi për një gjykim të drejtë dhe publik, si dhe të drejtën themelore të lirë të shprehjes, të garantuar nëpërmjet Nenit 40 të Kushtetutës së Kosovës për z. Thaçi dhe avokatin e tij.

Andaj, mbrojtja ka kërkuar me respekt që paneli gjykues në tërësi të refuzojë kërkesën e ZPS-së./BetimipërDrejtësi

Shija e redaktorit

Formacionet zyrtare, Itali-Shqipëri: Sylvinho me më të mirët, Spalletti sulmon

Italia dhe Shqipëria në ‘Signal Iduna Park” të Dortmundit, në ndeshjen hapëse për të dyja në Kampionatin Evropian 2024 e vlefshme për grupin B. Në...

Rrëfimi i fotoreporterit që xhiroi largimin e forcave serbe nga...

Prizreni, njëri ndër qytetet më të vizituara në Kosovë në periudhën e luftës nuk e kishte një pamje të tillë. Para 25 vjetësh kur edhe...

Granit Xhaka shpallet lojtari më i mirë i ndeshjes Hungari-Zvicër

Zvicra e ka nisur jashtëzakonisht mirë Kampionatin Evropian që po mbahet në Gjermani. “Helvetikët” triumfuan 1:3 ndaj Hungarisë në ndeshjen e cila u zhvillua në...

Të fundit nga rubrika