Procesi i votimit në raundin e dytë të zgjedhjeve lokale për kryetarë komunash ka përfunduar në orën 19:00 në të gjitha vendvotimet e 18 komunave ku u zhvillua balotazhi.

Votuesit patën mundësi të ushtrojnë të drejtën e tyre për të zgjedhur kryetarët e rinj, ndërsa KQZ do të fillojë procesin e numërimit të fletëvotimeve menjëherë pas mbylljes së vendvotimeve.

Deri në orën 19:00, në raundin e dytë të zgjedhjeve lokale kanë votuar 423,316 qytetarë nga 1,316,672 të regjistruar në Listën e Votuesve, duke shënuar një pjesëmarrje prej 32.15%.

Nga 1,628 vendvotime, 1,581 janë përpunuar ose 97.11% e tyre, njofton Komisioni Qendror i Zgjedhjeve.

26.77% e qytetarëve kanë votuar deri në orën 17:00

Raundi i dytë i zgjedhjeve lokale: Kosova vendos për kryetarët në 18 komuna