Oscar Piastri triumfoi në garën për Çmimin e Madh të Spanjës, duke lënë pas shokun e skuadrës, Lando Norris.
Kështu, McLareni siguroi një rezultat mbresëlënës me dy vendet e para në podium të dielën në garën më të fundit të Formula 1.
Ndërkohë, kampioni aktual, Max Verstappen, pati një garë të vështirë.
Piloti i Red Bullit u përfshi në disa momente kontroverse në fundin e garës, përfshirë incidente me George Russellin e Mercedesit.
Pas kësaj gare, Piastri ngjitet në vendin e parë të renditjes së përgjithshme të pilotëve me 186 pikë.
Norris ndjek nga afër me 176 pikë, ndërsa Verstappen bie në vendin e tretë me 137 pikë. Në luftën për titull është edhe George Russell me 111 pikë në vendin e katërt.
Gara për kampion këtë sezon është më e fortë se kurrë.