Deputeti i Kuvendit të Kosovës nga radhët e Partisë Demokratike të Kosovës, Hisen Berisha, ka thënë se deputetët e Kosovës nuk janë mashtruar kur e kanë votuara themelimin e Gjykatës Speciale.
Sipas Berishës, ajo ishte sakrifica e fundit që është bërë në shërbim të Kosovës.
“Gjykata Speciale është sakrifica e fundit në shërbim të Kosovës, që po e bëjnë ata [ish-krerët e Ushtrisë Çlirimtare të Kosovës] që janë në Hagë”, ka thënë Berisha.
Pse është dashur që krerët e UÇK-së të sakrifikojnë?
“Sepse në Këshillin e Evropës, është miratuar një raport i cili e akuzonte Kosovën për trafikim të organeve. Në luftëra trafikimi i organeve dhe dhunime etj, janë krimet më monstruozë në luftë dhe Kosova e kishte këtë etiket. [gjykata speciale u themelua] vetëm e vetëm për të hedhur poshtë raportin e Dick Martyt”, ka thënë Berisha.
Sipas tij Kosova nuk u mashtrua por e ka bërë sakrificën e saj për të dëshmuar pafajësinë e vetë.
“Kosova i tregojë botës se unë e bëjë edhe Gjykatën Special vetë, dhe shqyrtojë këtë raport të Dick Martyit edhe do ta demantojë krejt botën. Sepse lufta jonë ishte Çlirimtare dhe se UÇK-ja nuk ka bërë trafikime të organeve sepse ne nuk kishim kapacitete as me luftë sa duhet e lerë më me bo trafikime. Ne s’kemi pasur shëndetësi atëherë kur kemi hy në luftë fare, atë herë nuk ka ekzistuar shëndetësia, ka qenë e Serbisë, ne i kemi pasur shoqatën Nënë Tereza”, ka thënë ai.
Më tej ai ka thënë se motivi me mbi të cilin është ndërtuar Gjykata Speciale ka dështuar.
“Aktakuzat që u ngritën nga [Gjykata Speciale] as një nuk e trajton atë[ raportin e Dick Martyit] për çfarë është krijuar”, ka theksuar ai.