Me nga 12 vjet dënim për dy të akuzuarit për shpërthimin në Zhur

Gjykata Themelore në Prizren ka shpallur aktgjykim dënues kundër Iran Badallit dhe Arben Gashit, duke i dënuar me 12 vjet burgim unik për akuzën e shpërthimit në Zhur, si pasojë e të cilit humbi jetën një polic

I akuzuari Iran Badalli gjatë seancës në Gjykatën Themelore në Prizren. Foto RTV Dukagjini.

Gjykata Themelore në Prizren ka shpallur aktgjykim dënues në rastin e Iran Badallit dhe Arben Gashit, dy të akuzuarit janë dënuar me dënim unik prej 12 vjetësh burgim, në lidhje me akuzën për shpërthimin në Zhur.

Nga shpërthimi kishte mbetur i vdekur polici S.Th dhe kishin mbetur të plagosur Artur Mrasori, Jetmir Hasanaj, Arsim Bytyqi dhe fëmija S.B.

Aktgjykimi u shpall nga gjykatësja Ajser Skenderi, në një seancë të zhvilluar të martën.

Sipas vendimit të gjykatës, i akuzuari Iran Badalli është dënuar me 11 vjet burgim efektiv për veprën penale “Shkaktimi i rrezikut të përgjithshëm”, ndërsa për veprën penale të armëmbajtjes pa leje është dënuar me 2 vjet burgim efektiv.

Gjykata ka vendosur një dënim unik për të prej 12 vjetësh burgim.

I akuzuari Arben Gashi gjatë seancës në Gjykatën Themelore në Prizren. Foto RTV Dukagjini.

Në të njëjtën mënyrë, Arben Gashi është dënuar me 11 vjet burgim efektiv për veprën penale “Shkaktimi i rrezikut të përgjithshëm”, ndërsa për veprën penale të armëmbajtjes pa leje është dënuar me 2 vjet burgim efektiv.

Gjykata ka shpallur një dënim unik për të prej 12 vjetësh burgim.

Sipas aktakuzës, dy të pandehurit Iran Badalli dhe Arben Gashi, në fillim të muajit janar 2020, në Prizren janë furnizuar me mjet eksplodues nga i akuzuari Valbon Çollaku, e pastaj të njëjtin e kanë fshehur në krevatin e fëmijëve ne dhomën e katit të dytë të shtëpisë të të akuzuarit Iran Badalli në fshatin Zhur.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika