Ka përfunduar pjesa e parë e Portugalisë dhe Ganës me rezultat të barabartë 0:0, përkundër dominimit nga ana e kombëtares portugeze.
Në minutën e 31-të Ronaldo me një sulm të shpejtë arriti ta fut topin në rrjetë, por i është anuluar gola.
Cristiano Ronaldo e kishte nisur fuqishëm ndeshjen kundër Ganës, pasi në minutën e 10-të pati një mundësi shumë të mirë për të shënuar dhe ishte afër golit të parë, por duke vrapuar me topin drejt portës ganeze u bllokua nga portieri.
Portugalia që nga fillimi i ndeshjes me shpejtësi të madhe kishte shanse për të goditur rrjetën e portës ganeze, pasi Ronaldo pati mundësin me kokë në minutën e 13-të por nuk ishte e saktë për të arritur golin e parë.
Për Ronaldon, kapitenin e kombëtares portugeze, është Botërori i pestë dhe sipas tij ky kampionat do të jetë i fundit.
Portugalia dhe Gana janë duke zhvilluar ndeshjen e parë të fazës grupore në Kampionatin Botëror, ‘Katar 2022’.
Këto përfaqësuese janë pjesë e Grupit H, në të cilin ndodhen edhe Uruguai dhe Koreja e Jugut.