Me një “non grata” nuk fiton PD-ja

Sali Berisha nis fushatën për të parin e Partisë Demokratike Shqiptare (PD), duke qenë person ‘non grata’ nga aleati strategjik i Shqipërisë, Shtetet e Bashkuara të Amerikës. Ai theksuar se vetëm me të fiton PD-ja.

Ai po synon që përmes tubimeve nëpër qytete të ndryshme, t’i bindë demokratët që t’ia japin votën për ta drejtuar partinë.

Berisha ka sfiduar dhe pranuar në garë të gjithë kundërkandidatët.

“Kushdo që të vijë të garojë me mua është i mirëpritur. Nëse nuk fitoj, e respektoj”.

“Nëse në zgjedhjet lokale humbas, do të vij të votohem te ju. Po humba zgjedhjet e përgjithshme, largohem dhe jap dorëheqjen”, është shprehur Berisha.

Më tej, ish-kryeministri tha se “bunkerizimi i PD-së nuk mund të bëhej kurrë”.

“Ne kaluam një krizë dhe ish-kryetari i PD-së dha dorëheqjen për zhvillimet, siç e tha vetë ai nga 9 shtatori deri sot”, ka shtuar ai.

“Unë, ju them ju se, asnjë demokrat i Tepelenës, Gjirokastrës, apo Shqipërisë, që gjatë këtyre muajve ndoqi në një mënyrë apo një tjetër ish-kryetarin, nuk ka asnjë përgjegjësi për vendimin e 9 shtatorit, sepse ai nuk pyeti asnjërin mbi tokë”, deklaroi Berisha nga Tepelena, duke i’u referuar kryetarit të dorëhequr, Lulzim Bashës.

Sipas tij, Basha nuk pyeti institucionet as forumet e partisë.

Sali Berisha në tubimin e tij në Përmet ka thënë se, “koha është e pameshirë, ikën. Ne duhet të bashkohemi. Ne do të nisim protesta të mëdha, se ne jemi të vjedhur”.

Ish-kryetari PD-së dhe ish-kryeministri i vendit, Sali Berisha, është shpallur person “non grata” nga  Depertamenti i Shtetit Amerikan, më 19 maj të vitit të kaluar.

Përveç Berishës, “non grata” ishte shpallur edhe familja e tij, thuhej në njoftimin e Sekretarit të Shtetit, Antony Blinken në rrjetin social Twitter.

Berisha është futur në listën e personave të ndaluar për aktet e korrupsionit, që sipas DASH-it, minojnë demokracinë.

Antony Blinken, kishte shkruar se “Berisha dhe familja e tij janë shpallur zyrtarisht të papërshtatshëm për të hyrë në SHBA, prandaj edhe u ndalohet hyrja në vend”.

“Veprat e korrupsionit të ish-Presidentit të Shqipërisë, Sali Berisha, minojnë demokracinë në Shqipëri. Unë e shpall publikisht Sali Berishën dhe anëtarët e familjes së tij si të papërshtatshëm për të hyrë në Shtetet e Bashkuara të Amerikës”, kishte thënë Blinken.

SHBA-të kishin deklaruar se janë kundër korrupsionit ashtu siç janë edhe “partnerët” e tyre në Shqipëri.

Berisha ishte përjashtuar mu për këtë vendim, nga ish-kryetari i PD-së, Lulzim Basha, dhe në një deklaratë publike të demokratëve thuhej se “ish-kryeministri dhe ish-presidenti, Sali Berisha nuk do të jetë pjesë e grupit parlamenar të PD”.

 

Vendimi i PD-së për largimin e Berishës ishte parë si presion nga SHBA-të.

Ambasadorja amerikane në Tiranë, Yuri Kim, i kishte kërkuar, publikisht, në fund të korrikut Lulzim Bashës, që PD-ja të distancohej nga Berisha, qysh para fillimit të legjislaturës së re parlamentare.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Avokati Gashi: Ka neglizhencë të hetimeve, Astrit Dehari është goditur...

Avokati Tomë Gashi ka njoftuar se të premten e 12 gushtit do të mbajë konferencë për media në lidhje me rastin e vdekjes së...

Të fundit nga rubrika