Vitin e kaluar këngëtari nga Kosova, Blero Muharremi dhe Afrona Dika i dhanë fund martesës së tyre disavjeçare.
Çifti i cili u martua në vitin 2017 në një ceremoni madhështore në Shqipëri, vendosi të ndahej nga njëri-tjetri.
Në vitin 2022 ata ishin ndër emrat më të komentuar, për faktin se u ndanë pas disa vitesh dhe ndërkohë kjo ishte martesa e dytë e dështuar për këngëtarin Blero.
Afrona Dika e ftuar në emisionin “Ky emër nuk ka nevojë për prezantim” ka thyer heshtjen duke folur për herë të parë se në çfarë mënyre ka përfunduar lidhja mes tyre.
“Thjesht nuk ka funksionuar më, kur e sheh se non-stop vjen tek një pikë që duhet ta diskutosh edhe nuk sheh më rrugëdalje tjetër edhe e vërën që nuk funksionon më atëherë mirë është me vendos diçka që të jetë e mirë për të dy anët. Prandaj edhe ne vendosëm që ta përfundojmë këtë martesë”, ka rrëfyer ajo.
Ndërkohë e pyetur nëse martesa e tyre është kryer me sherr apo në mënyrë të qytetëruar ajo është përgjigjur: “Nuk kemi sot kontakt dhe gjithçka ka përfunduar, për këtë pyetje ndoshta mundem me thënë se ka përfunduar me sherr”.
Por, ajo ka thënë se tani është shumë e lumtur dhe se është duke e ndier vetën shumë mirë. Pasi Dika tashmë ka një të dashur dhe ka treguar që bashkëjeton me të, e po ashtu ajo për RTV Dukagjinin ka treguar se ai është gjysmë zviceran dhe gjysmë anglez.
Më poshtë mund ta ndiqni intervistën e plotë, ku ka rrëfyer më me detaje edhe jetën e saj profesionale por edhe private.