Mediat turke: Gunesh kandidat për ta drejtuar Kombëtaren e Kosovës

Trajneri turk, Shenoll Gunesh, është një prej kandidatëve për ta drejtuar Përfaqësuesen e Kosovës në futboll

Trajneri turk, Shenoll Gunesh, është një prej kandidatëve për ta drejtuar Përfaqësuesen e Kosovës në futboll.

Kështu kanë raportuar të dielën mediumet në Turqi.

“Aspor” shkruan se Gunesh ka marrë ofertë nga Federata e Futbollit e Kosovës.

Sipas sajtit turk, krahas Guneshit në listë FFK-ja e ka edhe Roberto Carlosin.

“Shenoll Guneshit i ka ardhur një ofertë nga Përfaqësuesja e Kosovës. Thuhet se së bashku me Shenoll Guneshin në listën e Kosovës është edhe Roberto Carlosi, i cili ka luajtur për Fenerbahçen në Turqi dhe për një kohë ka punuar si trajner i Sivassporit dhe Akhisar Belediyespor”, shkruan ndër të tjera sajti turk.

Gunesh 71-vjeçar së fundi ishte pjesë e Beshiktashit. Më herët, Gunesh ka drejtuar edhe Turqinë, Bursasporin, Trabzonsorin, Seoulin, Sakaryasporin, Antalyasporin dhe Bolusporin.Ai është legjendë e Trabzonsporit.

Posti i selektorit të Kosovës ka mbetur vakant.

FFK-ja nuk ia vazhdoi kontratën trajnerit slloven Primozh Gliha, i cili e zëvendësoi trajnerin francez, Alain Giresse.

Më herët Kosovën në gara kualifikuese e kanë drejtuar edhe zvicerani Bernard Challandes dhe Albert Bunjaki.

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika