Ministri i Mbrojtjes, Armend Mehaj, bashkë me ministren e Tregtisë, Rozeta Hajdari dhe me ministrin e Administratës dhe Pushtetit Lokal, Elbert Krasniqi, kanë bërë homazhe në varrezat e qytetit të Pejës.
Kjo në nder të 24-vjetorit të rënies për liri të dëshmorëve të familjes Kastrati.
“Sot së bashku me ministren Rozeta Hajdari dhe Ministrin Krasniqi, në 24 vjetorin e rënjrs për liri bëmë homazhe në nderim të dëshmorëve të familjes Kastrati”, shkroi Mehaj.
Ai ka theksuar se familja Kastrati ishte ajo që sakrifikoi gjithçka për atdheun, që sot gëzojmë lirinë.
“E kemi obligim që amanetet e tyre t’i dërgojmë në vend”, shtoi më tej ministri.
Ndryshe, këtë të diel janë bërë 24 vjet nga krimi makabër në familjen Kastrati në Pejë, ku pesë anëtarët e kësaj familjeje, Sokol (Çelë) Kastrati, Xhafer (Çelë) Kastrati, Valdet (Sokol) Kastrati, Adrian (Xhafer) Kastrati, Alban (Xhafer) Kastrati, si dhe fqinji i tyre, Hasan (Emrush) Muratagiqi janë vrarë mizorisht nga dora makabre serbe.
Me rastin e 24-vjetorit të krimi makabër në familjen Kastrati, u çmua kontributi i kësaj familjeje për çlirimin e vendit.