Mehaj falënderon ushtarët për “punën e shkëlqyer dhe të palodhur që nga dita e parë e vërshimeve”

“Falënderim për ushtarët tanë, të cilët kanë bërë punë të shkëlqyer dhe të palodhur që nga dita e parë e vërshimeve”, ka shkruar ministri i Mbrojtjes, Armend Mehaj, pas vizitës në komunën e Skenderajt dhe të Mitrovicës

Ilustrim

Ministri i Mbrojtjes, Armend Mehaj, së bashku me kryeministrin e Kosovës, Albin Kurti dhe ministrin Elbert Krasniqi, të dielën e 22 janarit, kanë vizituar komunën e Skenderajt dhe të Mitrovicës.

Mehaj, pas kësaj vizite, ka theksuar se mbështetja e FSK-së po vazhdon edhe të dielën, duke shpërndarë ushqim dhe pajisje higjienike për qytetarët.

“Sot, bashkë me kryeministrin, Albin Kurti dhe ministrin, Elbert Krasniqi, vizituam zonat e prekura nga vërshimet në komunën e Skenderajt, ku u pritëm nga kryetari, Fadil Nura dhe komunën e Mitrovicës, kryetari, Bedri Hamza. Mbështetja nga FSK-ja sot është duke vazhduar me shpërndarjen e pakove me produkte ushqimore dhe higjenike për qytetarët”, ka shkruar Mehaj në llogarinë e tij në Facebook.

Ndërkaq, ai ka drejtuar një falënderim për ushtarët e tri regjimenteve që udhëhiqen nga toger Ilirjanë Bunjaku, të cilët sipas tij, kanë qenë të gatshëm t’u dalin në ndihmë qytetarëve që nga dita e parë e vërshimeve.

“Falënderim për ushtarët tanë të tri regjimenteve të udhëhequr nga Toger, Ilirjanë Bunjaku, të cilët kanë bërë punë të shkëlqyer dhe të palodhur që nga dita e parë e vërshimeve”, ka vijuar Mehaj.

Shija e redaktorit

Këto janë libraritë ku mund t’i gjeni tekstet shkollore të...

Shtëpia botuese “Dukagjini” njofton se ka filluar shitja e teksteve shkollore për vitin 2025/2026 dhe tashmë janë në dispozicion në të gjitha libraritë partnere...

Fillon shitja e teksteve shkollore për vitin 2025/2026 nga shtëpia...

Shtëpia botuese “Dukagjini” ka nisur zyrtarisht shitjen e teksteve shkollore për vitin e ri shkollor 2025/2026. Prindërit, mësimdhënësit dhe nxënësit tani mund t’i gjejnë...

50 autoblinda për Kosovën, Ambasada amerikane: Tjetër hap në angazhimin...

Të premten është mbajtur ceremonia e pranim-dorëzimit të autoblindave të reja të prokuruara nga Shtetet e Bashkuara të Amerikës për Forcën e Sigurisë së...

Të fundit nga rubrika