Mehaj: Historia e Kosovës së pavarur nuk mund të shkruhet pa Reçakun

Ministri i Mbrojtjes, Armend Mehaj, për 24-vjetorin e Masakrës së Reçakut ka thënë se "Mohimi i gjenocidit është krimi i dytë që mund të bëhet ndaj këtyre familjeve, është vrasje e dyfishtë që është edhe më e rëndë"

Ministri i Mbrojtjes, Armend Mehaj duke bërë homazhe tek varrezat e Reçakut

Minsitri i Mbrojtjes, Armend Mehaj, ka reaguar me rastin e 24-vjetorit të Masakrës së Reçakut.

“Në kujtesën tonë s’ka se si të mos ketë mbetur i gdhendur tmerri i Reçakut, tronditja që kemi përjetuar kur kemi parë pamjet e një masakre makabre, trupat e 45 civilëve të paarmatosur e të pafajshëm të ekzekutuar nga forcat ushtarake dhe paramilitare serbe në mëngjesin e 15 janarit të vitit 1999”, ka shkruar ministri Mehaj.

Mehaj ka thënë se nuk mund të mos pyesim veten për tmerrin që kanë përjetuar banorët e Reçakut, “në mesin e tyre dhe shumë fëmijë e gra, e nuk mundemi as të mos e përjetojmë edhe sot e kësaj dite, si ngjarjen më makabre, gjenocidin për të cilin do të duhej ta rëndonte ndërgjegjja shumëkë, shtetin serb edhe autorët që ende nuk kanë marrë dënimin meritor”.

Tutje, Mehaj ka theksuar se historia e Kosovës së pavarur nuk mund të shkruhet pa Reçakun.

Minstri i Mbrojtjes, Armend Mehaj

“Shembull i një mizorie të papërshkrueshme, ishte masakra e Reçakut, ashtu siç ishte cilësuar edhe nga ana e William Walker, e po aq të mizorishme kanë qenë edhe masakrat tjera të cilat nuk patëm fatin të mund t’i dokumentojmë përmes fotografive e kamerave, vrasje që i ka mbuluar dheu e heshtja, por që i dëshmon mungesa në gjirin familjar, dhimbja në shpirtin e tyre, dhe një copë varri të cilin e vizitojnë”, ka theksuar Mehaj.

Mes tjerash, ministri Mehaj ka potencuar se mohimi i gjenocidit është krimi i dytë që mund të bëhet ndaj këtyre familjeve.

“Andaj të kujtosh krimin që ka ndodhur nuk është e mjaftueshme, por është rrugë e domosdoshme deri në vënien e drejtësisë”, ka thënë tutje Mehaj, derisa ka shtuar se Reçaku nuk harrohet dhe drejtësia duhet vendosur.

Shija e redaktorit

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Më të lexuarat

FES të hënën publikon draft-statutin e Asociacionit

Fondacioni Friedrich Ebert (FES), të hënën e 30 janarit, do të prezantojë draft-statutin për “Asociacionin e Komunave në të cilat Komuniteti Serb i Kosovës...

Plagosja e nënës dhe vajzës në Fushë Kosovë – Si...

Një plagosje ndodhi të shtunën rreth orës 11:45 në rrugën ‘Besa Besë’ në Fushë Kosovë, ku nënë e bijë u plagosën nga një i...

Hetimet e para të IPK-së: Sabit Islami vdiq pasi plagosi...

Ndonëse ende nuk dihen shkaqet e plagosjes së dy grave në Fushë Kosovë, siç është raportuar gjatë shkëmbimit të zjarrit me policinë, i dyshuari...

Të fundit nga rubrika