Në një vizitë zyrtare në Turqi, ministri i Mbrojtjes, Armend Mehaj, ka takuar homologun e tij të Gambisë, Sering Modou Njie, dhe shefin e stafit të mbrojtjes, Gjeneral Yankuba Drammeh.
Siç ka njoftuar ministri Mehaj, takimi është zhvilluar me qëllim të diskutimit të zhvillimit të bashkëpunimit dhe marrëdhënieve në fushën e mbrojtjes mes dy vendeve.
Gjatë takimit, Mehaj dhe delegacioni i Gambisë diskutuan mbi ndërtimin e një bashkëpunimi të fortë dhe të qëndrueshëm, duke përfshirë nënshkrimin e një marrëveshjeje të bashkëpunimit.
Ata theksuan rëndësinë e koordinimit dhe trajnimeve të përbashkëta për të forcuar kapacitetet e ushtrive të tyre dhe për të përmirësuar aftësitë e mbrojtjes.
Ministri Mehaj ka shprehur kënaqësinë e tij për të përshëndetur marrëdhëniet e mira midis dy vendeve.
“Përqafimi i vlerave demokratike na bënë më afër njëri-tjetrit dhe më të lehtë bashkëpunimin”, ka thënë Mehaj.
Ai gjithashtu ka theksuar se të gjitha aktivitetet e ardhshme do të jenë në përputhje me vlerat dhe parimet e NATO-së dhe se do të koordinohen me partnerët e tyre të tjerë në aleancë.