Kosova dhe Maqedonia Veriore me memorandum për mbrojtje dhe siguri

Ministri i Mbrojtjes, Armend Mehaj dhe homologeja nga Maqedonia e Veriut, Slavjanka Petrovska

Ministri i Mbrojtjes së Republikës së Kosovës, Armend Mehaj, së bashku me homologen e tij nga Republika e Maqedonisë së Veriut, Slavjanka Petrovska, kanë nënshkruar memorandum mirëkuptimi për bashkëpunim rreth fushave të mbrojtjes dhe sigurisë.

Ministri Mehaj këtë nënshkrim bashkëpunimi e bëri të ditur përmes një postimi në rrjetin social, Facebook, në të cilin kishte thënë se është duke vazhduar thellimi i bashkëpunimit me Maqedoninë e Veriut në të mirën e paqes, sigurisë dhe stabilitetit rajonal dhe më gjerë.

Ministri i Mbrojtjes së Kosovës, Armend Mehaj dhe homologia e tij nga Maqedonia e Veriut, Slavjanka Petrovska

”Sot prita në takim zyrtar, homologen time, Ministren e Mbrojtjes së Maqedonisë së Veriut, Znj. Slavjanka Petrovska me bashkëpunëtorë. Së bashku me Ministren Petrovska nënshkruam Memorandumin e Mirëkuptimit lidhur me bashkëpunimin në fushat e mbrojtjes dhe sigurisë”, ka shkruar në postim Mehaj.

Ndër të tjerash, synimi kryesor i këtij memorandumi është që të bashkërendohet dhe sinkronizohet korniza ligjire, masat, veprimet dhe aktivitetet që sigurojnë zbatimin sa më të suksesshëm të të gjitha marrëveshjeve mes Kosovës dhe Maqedonisë.

Ministri i Mbrojtjes së Kosovës, Armend Mehaj me bashkëpunëtorë gjatë takimit me homologen e tij nga Maqedonia e Veriut, Slavjanka Petrovska

Gjithashtu, Mehaj ka shtuar se ky proces i integrimit të Maqedonisë së Veriut është përvojë që do ta ndajmë së bashku në procesin integrues euroatlantik.

Edhe ministrja Petrovska, ka shprehur gatishmërinë për thellimin e bashkëpunimit bilateral në mes të dy vendeve, duke ofruar përvojën e procesit të integrimit në strukturat euroatlantike.

Ministrja e Mbrojtjes e Maqedonisë së Veriut, Slavjanka Petrovska me bashkëpunëtorët e saj gjatë takimit me homologen e tij nga Maqedonia e Veriut, Slavjanka Petrovska

Poashtu, ministrja Petrovska ka shkëmbyer mendime bashkë me ministrin Mehaj, për sfidat aktuale gjeopolitike, si dhe kontributin e Maqedonisë së Veriut për ruajtjen e sigurisë dhe stabilitetit rajonal, duke përfshirë pjesëmarrjen në misionin e NATO-s.

Takimi i ministrave të Mbrojtjes së Kosovës dhe Maqedonisë së Veriut dhe bashkëpunëtorëve të tyre

Ky bashkëpunim pritet të ofrojë stabilitet në Ballkanin Perëndimor, i cili është një prioritet kyç për Maqedoninë e Veriut dhe Kosovën.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika