Mehaj: Policët tanë të rënë në detyrë janë heronjtë tanë të pavdekshëm

Ministri i Mbrojtjes, Armend Mehaj, në Ditën Memoriale të policëve të rënë në detyrë ka kryer nderimet pranë Lapidarit të heronjve në Drejtorinë e Përgjithshme të Policisë së Kosovës

Ministri i Mbrojtjes, Armend Mehaj, pranë Lapidarit të heronjve në Drejtorinë e Përgjithshme të Policisë së Kosovës

Në Ditën Memoriale të policëve të rënë në detyrë, që ndërlidhet me 11 vjetorin e vrasjes së Enver Zymberit nga strukturat kriminale serbe, ministri i Mbrojtjes, Armend Mehaj, ka përkujtuar zyrtarët policorë pranë Lapidarit të heronjve në Drejtorinë e Përgjithshme të Policisë së Kosovës.

Me anë të një postimi në llogarinë e tij në Facebook, Mehaj, ka theksuar se “policët tanë të rënë në detyrë janë heronjtë tanë të pavdekshëm”.

“Mbrojtja e sovranitetit dhe integritetit territorial të vendit bashkë me mbrojtjen e rendit dhe sigurisë publike janë hallka të pashkëputshme që i mbajnë fuqishëm Ushtria bashkë me Policinë tonë. Të lavdishëm gjithmonë Heroi Enver Zymberi dhe gjithë zyrtarët policorë të rënë në krye të detyrës”, shkroi ai.

Ministri i Mbrojtjes, Armend Mehaj, pranë Lapidarit të heronjve në Drejtorinë e Përgjithshme të Policisë së Kosovës

Ndryshe, Ministri i Punëve të Brendshme, Xhelal Sveçla, teksa ka përkujtuar 21 zyrtarët policorë që kanë rënë gjatë detyrës së tyre, ka kërkuar nga organet e drejtësisë që në bashkëveprim me policinë, të veprojnë shpejt dhe drejt në zbardhjen e vrasjes së Enver Zymberit dhe gjithë të tjerëve, duke i sjellë para drejtësisë kriminelët.

“Është nder por edhe krenari për të kujtuar veprën heroike të 21 zyrtarëve policorë që ranë në krye të detyrës. Para çdo zyrtari tjetër, është polici ai që mund të krijojë te qytetari ndjenjën se institucioni i shtetit dhe mjetet e pushtetit janë në dispozicion të tij, se vetë shteti është në mbrojtje të qytetarit. Për të arritur këtë na duhet që të gjitha institucionet përkatesë të bashkëpunojnë”, ka thënë Sveçla.

Drejtuar zyrtarëve policorë, ministri Sveçla, ka thënë se “krimi nuk ka uniformë”.

Sipas tij, krimi është fenomen që dëmton ekonominë dhe tregtinë e Republikës dhe pengon zhvillimin e vendit.

“Krimi është dhunë që dëmton individin, familjen dhe gjithë substancën e shëndoshë të shoqërisë sonë. Përballë këtij krimi pa uniformë, polici ka uniformë, atë të shtetit të Kosovës, Republikë e cila duhet të jetë në krah të policëve gjithmonë”, shtoi ai.

Në Kosovë janë 21 zyrtarë policorë që e kanë humbur jetën në krye të detyrës së tyre.

Shija e redaktorit

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Shqipëria performon më 9 maj në Eurovision

Festivali evropian i këngës "Eurovision" ka publikuar listat me shtetet që do të performojnë në dy gjysmëfinalet e këtij viti, më 7 dhe 9...

Të fundit nga rubrika