Ministri i Mbrojtjes, Armend Mehaj, ka pritur në takim lamtumirës këshilltarin bilateral të Forcave të Armatosura të Republikës së Italisë, kolonel Stefano Chironi.
Mehaj njofton se kolonel Chironi u dekurua me mirënjohje nga ana e tij për shërbimin e tij dhe kontributin e dhënë në avancimin e kapaciteteve të FSK-së dhe realizimin e planit bilateral me Forcat e Armatosura të Republikës së Italisë.
“Kolonel Chironi dhe pasuesit të tij kolonel Mario di Girolamo, u dëshiroj suksese në detyrën dhe misionin e tyre të ri”, ka shkruar Mehaj.
Gjatë ditës së sotme, Mehaj njoftoi edhe për ligjin që zgjeron autoritetin ekzistues të Departamentit të Mbrojtjes në ofrimin e mbështetjes për Kosovën përmes intensifikimit të ushtrimeve të përbashkëta, trajnimin e Forcës së Sigurisë së Kosovës si pjesë e stërvitjeve shumëpalëshe, i cili ka kaluar në Senat.
“Falenderoj senatoren Shaheen për angazhimin e saj direkt në sigurimin e kësaj dispozite. Vetëm përmes bashkëpunimit mund t’i kontribuojmë paqes së qëndrueshme”, ka shkruar tutje ministri i Mbrojtjes.