Ministri i Mbrojtjes, Armend Mehaj, në lidhje me situatën aktuale në veri të vendit, ka thënë se FSK-ja do të ofrojë siguri për të gjithë qytetarët e vendit.
Mehaj, ndër të tjera, i ka dënuar veprimet e Serbisë për destabilizim të vendit, gjersa ka shtuar se Kosova dhe institucionet e saj, janë në koordinim të plotë me policinë dhe KFOR-in.
“FSK është këtu është të ofrojë siguri për të gjithë qytetarët e vendit tonë. Dënojmë veprimet e Serbisë për destabilizimin e vendit tonë. Kosova dhe institucionet e saj, janë në shërbim të çdo qytetari dhe veprimet tona janë në harmoni me policinë tonë dhe KFOR-in”, ka shkruar Mehaj në Twitter.
The @KSF_Kosova is to provide security for all the citizens of our country. We condemn the actions of Serbia to destabilize our country! 🇽🇰 and its institutions are at the service of every citizen & our actions are in coord. with our police & @KFOR.
— Armend Mehaj (@armend_mehaj) November 7, 2022
Po ashtu, edhe të dielën, ministri Mehaj ka thënë se institucionet e Kosovës janë në shërbim të të gjithë qytetarëve të vendit.
Siç thotë ministri i këtij dikasteri, si ngritja e kapaciteteve ushtarake serbe në kufirin me Kosovën, ashtu dhe vendimi i pjesëtarëve të komunitetit serb për largim nga institucionet e Kosovës, janë veprime që tentojnë ta destabilizojnë vendin.
“Këto veprime janë pengesa e vetme që të arrihet një marrëveshje që do të lejonte të dyja shtetet të ecin para për, t’u integruar në Bashkimin Evropian. Ministria e Mbrojtjes, ashtu si dhe organet e tjera të rendit, mbetet e përkushtuar për të garantuar sovranitetin e vendit si dhe mbrojtjen e jetës së gjithë qytetarëve të Republikës së Kosovës pa dallim etnie”, ka shkruar Mehaj.
Ai ka theksuar se i vetmi kërcënim për komunitetin serb “janë individët dhe grupet kriminale serbe të dirigjuara nga Beogradi”.
Mehaj: I vetmi kërcënim për komunitetin serb janë grupet e dirigjuara nga Beogradi