Gazetari, Lirim Mehmetaj, ka thënë se kryeministri, Albin Kurti, ka abuzuar me shpresat e shqiptarëve në Luginë të Preshevës dhe se Kurti e partia e tij janë treguar përçarës atje.
Sipas Mehmetajt, Kurti i ka bindë shqiptarët atje që çështje e Luginës është çështje e pavullnetit nga ana e politikanëve të mëhershëm. Dhe se emërimi i Ardita Sinanit (kundërshtare politike e Shqipërim Arifit, kryetarit aktual të Preshevës), këshilltare e tij ka nuanca përçarëse.
“…Abuzim me shpresat shqiptarëve në Luginë ka bërë Albin Kurti. Këtë e dimë. Sepse ai i ka bindë që është çështje e mos vullnete të politikanëve paraprak, mos adresimi i çështjes së Luginës ën dialog, e jo e pamundësisë. Prandaj edhe revolta në raport me të mund me qenë ma e madhe dhe plotësht më të drejtë..
As nuk ka diskutim që Albin Kurti e Qeveria e tij janë treguar përçarës në Luginë, vec fakti që është marrë një politikane (Ardita Sinani) antagoniste nga atje edhe është sjellë si këshilltare…”, ka thënë Mehmetaj në “Debat Plus”