Gazetari i “Albanian Post”, Lirim Mehmetaj, në “Debat Plus”, ka deklaruar se kryeministri i Kosovës, Albin Kurti, ka qenë në dijeni për të gjitha zhvillimet në KEK.
“E them me kompetencë profesionale dhe morale, Kurti ka qenë në dijeni për të gjitha zhvillimet në KEK. Albin Kurti, ka qenë në njohuri për të gjitha zhvillimet, kam informacione”, ka thënë ai.
Sipas tij, deklaratat e Kurtit në Kuvendin e Kosovës, ku dilte në mbrojtje të drejtorit të KEK-ut dhe në të kaluarën edhe ambasadorit, Martin Berishaj, janë bërë për të treguar se është me ta.
Sipas Mehmetajt, nëse Kurti nuk i mbron, Berishaj e Krasniqi mund të flasin gjëra që nuk i shkojnë në favor Kurtit.
“Kurtit i duhet të flasë kështu, sepse nëse nuk i tregon Krasniqit dhe Berishajt se është me ta, ata flasin”, ka thënë ai.
Drejtori i KEK-ut, Nagip Krasniqi, është arrestuar dhe është dërguar në paraburgim për 30 ditë, nën dyshimet për keqpërdorim të pozitës.