Gazetari Lirim Mehmetaj, në “Debat Plus”, tha se ndërkombëtarët ua kanë dërguar dy qeverive asaj të Kosovës dhe të Serbisë, një dokument me tetë hapa, sa i përket çështjes së veriut dhe implementimit të marrëveshjes së Ohrit.
Propozimet e ndërkombëtarëve sipas gazetarit Mehmetaj janë:
*Të dyja palët ritheksojnë që vazhdojnë t’i qëndrojnë marrëveshjes së Brukselit/Ohrit
*Kosova i tërheqë njësitet speciale nga veriu, paralelisht me tërheqjen e ushtrisë serbe nga vija kufitare, dhe largimi nga gjendja e gatishmërisë për luftë
*Policia e Kosovës, me asistencë nga KFOR-i dhe EULEXI, bëhen përgjegjës për ruajtjen e sigurisë në veri.
*Protestat anulohen, vazhdon jeta normale.
*Administrata komunale kthehet, kryetarët e komunave nuk qëndrojnë në objekte qendrore, administrata po, jo stafi politik.
*Shpallen zgjedhjet në fund të këtij muaji apo në muajin e ardhshëm. Organizohen nga gushti, zgjedhjet e ardhshme mund të mbahen në fillim të shtatorit.
*Paralelisht, me këtë Kosova tregon përkushtimin e ofrimit konkret të statutit.
*Besohet nga mesi i nëntorit, i kemi të kryera pikat 1,2,3 7 dhe 9 të marrëveshjes bazë.