Gazetari, Lirim Mehmetaj, në “Debat Plus” në RTV Dukagjini ka kritikuar kryeministrin e Kosovës, Albin Kurti, pasi sipas tij, “kryeministri po heq dorë nga shtetësia e Kosovës.
Mehmetaj, ka theksuar se Kurti e ka etabluar një të vërtetë se si ai mendon qeverisjen, e që është sovraniteti i shtetit, por, kryeministri “sovranist” pastaj kërkon nga KFOR-i t’i tregojë se çka ka ndodhë brenda territorit të shtetit të tij.
“Këta po luajnë me të vërteta alternative…Kur po e kritikojnë se po bën veprime të njëanshme ky po thotë së është çështje sovraniteti i shteti dhe duhet me veprua njëanshëm, sepse po thotë që mu është kushtetuta dhe ligji. U etablu një e vërtetë, një botëkuptim i kryeministrit se si ai e mendon qeverisjen. Po i marrin policët e Kosovës brenda territorit të Kosovës, sipas versionit zyrtarë të Kosovës, ata kanë qenë brenda”.
“Tash po thotë kufiri i takon me bo rregullime KFOR-it. Por thirret në rezolutën 1244, po heq dorë prej shtetësisë së vetë kryeministrit i Kosovës. Si është e munduar. Si është e mundur që janë marrë policët brenda territorit të Kosovës, e Kryeministri i atij vendi kërkon nga një forcë e huaja me i tregu se çka ka ndodhë. Një kryeministër që është sovranist”, ka thënë Mehmetaj.