Kryeministrja e Italisë, Giorgia Meloni, po qëndron për vizitë në Serbi ku do të pritet në një takim nga presidenti serb, Aleksandër Vuçiq.
Pas takimit është planifikuar një deklaratë e përbashkët për media. Kjo është vizita e parë e Melonit në Serbi që prej zgjedhjes së saj si kryeministre e Italisë.
Ndryshe, Meloni, më 26 tetor kishte deklaruar se u ka kërkuar kryeministrit të Kosovës, Albin Kurti dhe presidentit serb, Aleksandar Vuçiq, që t’i zbatojnë marrëveshjet e dakorduara.
“Do të shohim se si do të shkojë dita dhe shpresojmë të bëjmë ndonjë hap përpara”, ka thënë kryeministrja italiane.
Ajo ka takuar Kurtin e Vuçiqin në takime të ndara të enjten në Bruksel, ndërsa liderët u pritën edhe nga kancelari gjerman, Olaf Scholz, presidenti francez, Emmanuel Macron, kryeministrja italiane, Giorgia Meloni, si dhe përfaqësues të lartë të BE-së.