Merezhko: Është e drejtë e jona ta njohim ose jo Kosovën, nuk i takon Vuçiqit të na mësojë

Kryetari i Komisionit të Punëve të Jashtme të Ukrainës, Oleksandr Merezhko, ka thënë se deklaratat e presidentit të Serbisë, Aleksandër Vuçiq, janë tronditëse dhe të papranueshme.

Presidenti i Serbisë gjatë fjalimit të tij e kishte kërcënuar Ukrainën që të mos e njohë Kosovën si shtet të pavarur, sepse sipas tij, mund të humbasë shumë nëse e bën atë gjë.

Merezhko i është kundërpërgjigjur atij duke thënë se është e drejtë e Ukrainës të vendosë nëse do ta njohin shtetin e Kosovës apo jo, dhe se nuk mundet Vuçiqi ta mësojë Ukrainën se çfarë të bëjë.

“E po, para së gjithash, më ka tronditur mënyra krejtësisht e papranueshme, jodiplomatike, me të cilën, presidenti i Serbisë i ka paraqitur kërcënimet e tij. Sepse ajo që kemi janë kërcënime, madje edhe shantazhe absolutisht të papranueshme. Kështu e perceptoj unë deklaratën e tij për ne. Dihet kur shohim se shtetet e tjera tashmë e kanë njohur Kosovën si shtet të pavarur, duke përfshirë edhe aleatët tanë më të afërt. Jam i sigurt se është e drejta jonë sovrane të vendosim nëse do ta njohim apo jo”, tha ai.

Merezhko tha se çështja e njohjes apo jo e shtetit të Kosovës i takon presidentit të Ukrainës, Volodymyr Zelensky.

“Dhe nuk i takon zotit Vuçiq të na mësojë apo të na diktojë se çfarë të bëjmë apo të na kërcënojë. Është absolutisht tronditëse dhe e papranueshme. Sa i përket njohjes, sipas Kushtetutës sonë, është prerogativë e presidentit tonë, sepse presidenti është përgjegjës për zhvillimin e politikës së jashtme, përfshirë çështjet e njohjes”, tha ai.

Por, ai theksoi se Ministria  e Jashtme nuk e konsideron të arsyeshme ta njohë Kosovën në këtë fazë, derisa shtoi se “ndoshta kjo do të thotë se një vendim për këtë çështje do të shtyhet deri në fund të luftës. Ky është supozimi im. Por, aktualisht nuk ka asnjë indikacion se Ukraina do ta njohë zyrtarisht Kosovën”.

“Sigurisht që ka argumente pro dhe kundër dhe ne duhet të marrim një vendim që mendoj se si anëtarë të delegacionit tonë në asamblenë parlamentare të këshillit duhet të vendosim vetë për këtë çështje. Por, është një pyetje e rëndësishme sepse mund të shihni se ne mund të dallojmë, mund të shohim disa ngjashmëri mes Kosovës dhe Ukrainës. Ukraina aktualisht është e ekspozuar ndaj gjenocidit. Rusia po bën dhe po bën një luftë gjenocidale kundër Ukrainës, dhe me sa më kujtohet nga historia e Kosovës, Kosova ishte në një situatë të ngjashme.

Kishte të ashtuquajtura spastrime etnike. Në realitet, ishte një eufemizëm për gjenocid dhe jepte si një të drejtë morale reale të paktën të pretendohej dhe të shpallej pavarësia. Pra, ka disa ngjashmëri, por sigurisht, përpara se të marrim vendimin përfundimtar, duhet ta marrim në mënyrë të përgjegjshme, duke peshuar të gjitha të mirat dhe të këqijat e ligjit. tha Merezhko për N1.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika