Pas tre vjetësh qëndrimi në skuadrën angleze “Wanderers”, Meritani Shabani është transferuar te klubi zviceran “Grasshoper”.

Mesfushori ofensiv ka pësuar dy lëndime, të cilat e mbajtën për shumë kohë larg fushës. Shabani është stërvitur në “Gransshoper”, dhe kanë rënë dakord me trajnerin Giorgio Contini për kontratë.

Kontrata e 23-vjeçarit me “Grasshoper” është dyvjeçare me mundësi vazhdimi edhe për një vjet tjetër.

“Grasshoper” ka nënshkruar kontratë edhe me Renat Dadashov.

Fillimisht, mesfushori ofensiv ka filluar karrierën e tij në Bayern Munich, derisa për disa muaj ka luajtur si i huazuar edhe te VVV-Venlo në Holandë.

“Me Shabanin dhe Dadashov po nënshkruajmë me dy lojtarë me cilësi të forta teknike, të cilët mund të krijojnë raste në çdo moment”, ka thënë drejtori sportiv i “Grasshoper”, Bernt Haas.

Haas ka shtuar se Shabani ka treguari potencial të madh në javët e para, dhe kanë besim se do të forcojë ndjeshëm ofensivën e tyre.