Këngëtarja me famë botërore, Rita Ora, është duke qëndruar në Kosovë së bashku me bashkëshortin e saj, regjisorin e filmit “Thor: Love and Thunder”, Taika Waititi.
Dukagjini ka mësuar nga burime Brenda Komunës së Prishtinës së arsyen e vizitës së saj në Kosovë.
Mësohet se Rita Ora ka ardhur enkas në Kosovë për të festuar ditëlindjen e saj të 33-të.
Gjithashtu, bëhet e ditur se ajo do të qëndroj edhe për festat e Nëntorit në vendin tonë dhe pritet të takohet me presidenten, Vjosa Osmani dhe kryeministrin, Albin Kurti.
Ndërsa, më herët i pari i Prishtinës, Përparim Rama, e ka shpërndarë një video, ku shihet duke e pritur në aeroport këngëtaren me famë botërore.
Teksa e emocionuar ka zbritur nga avioni, është përkulur për ta prekur tokën e Kosovës.
“Oh Zot, faleminderit që jam shqiptare”, dëgjohet duke thënë ajo.