Messi arrin marrëveshjen me PSG-në

Kapiteni i Argjentinës, Lionel Messi, ka arritur marrëveshje për ta rinovuar kontratën me PSG-në, kështu kanë raportuar mediat ndërkombëtare

Lionel Messi

Kapiteni i Argjentinës, Lionel Messi, ka arritur një “marrëveshje në parim” për të rinovuar kontratën e tij me Paris St-Germain (PSG).

Messi, 35 vjeç, i cili udhëhoqi Argjentinën drejt lavdisë së Kupës së Botës në Katar, i skadon kontrata me klubin francez në qershor të vitit 2023.

Në fillim të kësaj jave, presidenti i Barcelonës, Joan Laporta, ka thënë se “do të donte” që Messi të kthehej në klubin spanjoll ku kaloi 21 vjet, shkruan BBC.

Por, Balague po e thotë se Barça nuk i është afruar Messit për një rikthim.

Ai do të nënshkruajë një marrëveshje njëvjeçare me opsionin e një viti tjetër. Marrëveshja ka ardhur pas katër muajsh bisedimesh mes drejtorit të futbollit të PSG-së, Luis Campos dhe babait të Messit, Jorge.

Kjo u pasua nga një takim kyç në Doha, me kryetarin e PSG-së, Nasser Al-Khelaifi.

“Praktikisht gjithçka është dakord me PSG-në”, thotë eksperti evropian i futbollit Balague.

“Barcelona nuk i është afruar atij apo babait të tij për t’i ofruar asgjë. Pra, nuk është se Messi nuk dëshiron të kthehet në Barcelonë. Atij nuk i është bërë pyetja”, ka thënë ai, duke shtuar se tashmë do t’i përshpejtohet marrëveshja me Parisin.

“Messi është i kënaqur me të gjitha dhe kur të kthehet nga pushimet e tij marrëveshja do të përshpejtohet”.

“Jeta e tij në Paris është e ekuilibruar, e lumtur, të gjithë po e shijojnë atë dhe ai ka një mundësi reale për të fituar përsëri Ligën e Kampionëve. Plus, kjo do ta ndihmojë atë të jetë përsëri një kandidat për Topin e Artë”, ka përfunduar eksperti i futbollit.

Messi, shtatë herë ka fituar Topin e Artë, dhe u shpall lojtari i turneut në Kupën e Botës, pasi Argjentina fitoi titullin për herë të tretë me një fitore nga penalltitë ndaj Francës.

Kujtojmë se pas largimit nga Barcelona, ​​Messi nënshkroi një kontratë dyvjeçare si lojtar i lirë, me opsionin e një viti të tretë, në vitin 2021.

Ai ka bërë 53 paraqitje për skuadrën e Ligue 1 deri më tani, duke shënuar 23 gola në të gjitha garat.

Argjentinasi ka fituar tani një Kupë Bote, katër tituj të Ligës së Kampionëve, një Copa America, 10 trofe në La Liga me Barcelonën dhe një kurorë në Ligue 1 në Francë me PSG.

I konsideruar si një nga lojtarët më të mëdhenj të të gjitha kohërave, ai shënoi një rekord 672 gola në 778 ndeshje për Barcelonën, klubi të cilit iu bashkua si 13-vjeçar.

Ai i dha fund lidhjes së tij me klubin katalanas në vitin 2021, kur ata nuk mund të përballonin më të respektonin kontratën e re që ranë dakord me të për shkak të kufirit të pagave të La Ligës.

 

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika