Michel: E ardhmja do të jetë më e sigurt me Ballkanin Perëndimor brenda BE-së

Presidenti i Këshillit Evropian, Charles Michel, ka thënë se e ardhmja e brezave të rinj do të jetë më e sigurt dhe më e begatë me Ballkanin Perëndimor brenda Bashkimit Evropian

Kryeministri Edi Rama dhe Charles Michel





Presidenti i Këshillit Evropian, Charles Michel, samitin e BE-së dhe Ballkanit Perëndimor në Tiranë, e ka quajtur moment të rëndësishëm dhe emocionues.

Gjatë hyrjes së tij në samitin e BE-së në Tiranë, Michel është shprehur i bindur që e ardhmja e “fëmijëve tanë” do të jetë më e sigurt dhe më e begatë me Ballkanin Perëndimor brenda Bashkimit Evropian.

“Ky do të jetë një takim i rëndësishëm, simbolik. Është hera e parë që e mbajmë një samit këtu, jam i bindur që e ardhmja e fëmijëve tanë do të jetë më e sigurt, më e begatë me BP brenda BE-së”, ka thënë ai.

Michel ka folur edhe për marrëveshjen për tarifat Roaming, që prite të nënshkruhet gjatë këtij samiti.

Ai ka theksuar se kjo është një arritje konkrete në përputhje me atë që është diskutuar në Brdo një vit më parë.

Tjetër element është mbështetja që duan t’i sjellin Ballkanit në raport me krizën energjetike.

“Kjo tregon angazhimin tonë për të forcuar integrimin, bashkëpunimin me rajonin”, shtoi ai.

“Kemi punuar shumë muajt të fundit për të shënuar përparime, për të pasur bashkëpunim më të madh me BP dhe dua ta përsëris që ne jemi shumë të bindur që e ardhmja e Evoprës dhe e ardhmja e fëmijëve tanë do të jetë më e sigurt dhe më e begatë me BP pjesë të Evropës”.

Fjalën e tij e përfundoi duke thënë se progresi dhe reformat janë të nevojshme, dhe sipas Michel, gjithsecili duhet t’i përmbushë përgjegjësitë e veta.

“Kjo është një etapë konkrete e afrimit me rajonin”.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika