Presidenti i Këshillit Evropian, Charles Michel, ka thënë se negociatat me Tiranën duhet të hapen sa më parë.
Pasi ka vlerësuar maksimalisht partneritetin e Tiranës me Bashkimin Evropian, Michel po vazhdon vizitën e tij në Tiranë duke forcuar përpjekjet për integrimin e rajonit.
Qysh në fillim, Charles ka vlerësuar mbështetjen e Shqipërisë dhe bashkangjitjen e saj në kauzën ndaj Ukrainës.
“Ne kemi për detyrë të ushtrojmë presion, në mënyrë që agresioni të ndalet”, ka thënë ai. “Pjesë e kësaj është edhe Shqipëria, ndaj ju falënderoj për përkushtimin. Jeni partner shumë i besueshëm”, ka theksuar Michel.
Megjithëse e gjithë bota ka pësuar një ndryshim që nga fillimi i sulmeve ruse në Ukrainë, sipas Michel, është rruga e Shqipërisë drejtë integrimit evropian ajo e cila ka mbetur po e njëjta.
“Shqipëria i ka plotësuar të gjitha kushtet për hapjen e negociatave dhe ato duhet të nisin një orë e më parë’, ka thënë ai.
Presidenti i Këshillit Evropian, Charles Michel, është pritur të premten e 20 majit nga kryeministri i Shqipërisë, Edi Rama.