Presidenti i Malit të Zi, Jakov Milatoviq, ka thënë se njohja e pavarësisë së Kosovës, anëtarësimi i vendit në NATO dhe sanksionet ndaj Rusisë si pjesë e politikës së përbashkët të jashtme dhe të sigurisë të Bashkimit Evropian, janë çështje të përfunduara.
Kështu deklaroi Milattoviq në një intervistë për RTV Sllovenia, ku theksoi se Mali i Zi do të bëhet anëtar i BE-së në katër ose pesë vjetët e ardhshme.
“Njohja e pavarësisë së Kosovës, anëtarësimi i vendit në NATO dhe sanksionet ndaj Rusisë si pjesë e politikës së përbashkët të jashtme dhe të sigurisë të Bashkimit Evropian, janë çështje të përfunduara”, ka thënë Milatoviq.
Më tej, ai ka shtuar se mandatin e tij do t’ia kushtojë integrimit të vendit në BE dhe se shpreson se të gjitha subjektet politike do të punojnë në këtë drejtim.