Ministri gjerman i financave është i hapur për sekuestrimin e aseteve të bankave të Rusisë

Gjermania është duke e shqyrtuar mundësinë për t’i konfiskuar asetet ruse, dhe me to ta financojë “rindërtimin”, e Ukrainës. Ministri gjerman i Financave, Christian Lindner, ka thënë se duhet parë se çfarë është ligjërisht e mundur

Ministri gjerman i Financave, Christian Lindner

Ministri gjerman i Financave, Christian Lindner, është i hapur ndaj idesë së konfiskimit të aseteve shtetërore ruse për të financuar rindërtimin e Ukrainës,  kështu kishte thënë ai në një intervistë me të përditshmen gjermane të biznesit Handelsblatt dhe në tri gazeta të tjera evropiane.

“Unë jam politikisht i hapur ndaj idesë së kapjes së aseteve të huaja të Bankës Qendrore Ruse,” kishte thënë Lindner, duke shtuar se propozimet për këtë qëllim tashmë po diskutohen midis fuqive ekonomike të Grupit të Shtatë dhe në Bashkimin Evropian.

“Në rastin e aseteve private, ne duhet të shohim se çfarë është ligjërisht e mundur,” kishte shtuar Lindner.

“Ne duhet të respektojmë shtetin e së drejtës, edhe nëse kemi të bëjmë me oligarkë rusë”.

Lidhur me politikën fiskale të Bashkimit Evropian, Lindner tregoi se mund të ishte i hapur për kompromis, për trajtimin e ardhshëm të rregullave të borxhit të BE-së.

Megjithëse ai nuk mund të mbështeste një reformë me një zbutje të kritereve të Mastrihtit – “shtyllës kurrizore” të rregullave fiskale të BE-së – ai kishte thënë se “rregullat fiskale duhet të jenë më realiste dhe efektive”.

“Qëllimi është që të gjitha ekonomitë të rriten dhe të kenë financa të qëndrueshme publike. Unë sugjeroj kombinimin e një rruge afatgjate më të besueshme për reduktimin e borxhit me objektiva afatmesme dhe fleksibile,” kishte shtuar ai.

Shija e redaktorit

Rama takohet me udhëheqësit e Katarit, i fton ata për...

Kryetari i Prishtinës, Përparim Rama ka njoftuar se së bashku me Presidenten e vendit, Vjosa Osmani është duke qëndruar në Katar për një vizitë...

Osmani uron Suedinë pasi iu hap rruga për anëtarësim në...

Presidentja e Kosovës, Vjosa Osmani, ka uruar Suedinë pasi asaj iu hap rruga për anëtarësim në NATO, meqë Hungaria miratoi të hënën kandidaturën e...

Osmani takohet me emirin e Katarit, flasin për trajtimin e...

Presidentja e Kosovës, Vjosa Osmani, është pritur në takim nga emiri i Katarit, Sheikh Tamim Bin Hamad Al Thani, me të cilin ka biseduar...

Të fundit nga rubrika